Dt. 18.10.2011 - Saiha District ah Officer post ruak a tam ta hle

Saiha hi Mizorama Dist Pathum a pian khan Chhimtuipui District Hqrs. niin Aizawl, Lunglei leh Saiha tih a ni thin a. Tun kum hnih khat chhungah hi chuan Mizoram Dist zawng zawnga Officer nei chhe ber Dist a nih loh pawhin a nei chhe pawl chu a ni rin a ni.
Post ruak Officer awm zat leh Officer dang ten an kawp mek te lo tarlang ila.
DC Office ah DC,Addl. DC, SDO(S), SDC-3.
DC Office a Officer post 6 ah hian Officer 2 DC leh SDC te chauh dah an ni a, A dangte hi Mizoram sawrkarin tunhnai khan a rawn la chhuak a, post ruakte hi a rawn dah khat tawh lo. Tunlai tak phei hi chu DC hi Aizawl leh Delhi lamah Meeting pawimawha tel turin a zin a, SDC pawh Aizawlah Meetingah telin a awm mek bawk a, DC Officer ah Officer pakhat mah awm lovin Officer dangin an kawp vel mek a ni.
Tin, Manager, District Industries Centre pawh tunhnai khan Mizoram sawrkarin a rawn lachhuak leh a, midang a rawn dah tawh lo va, Officer dangin a kawp mek bawk a, BDO post a ruak bawk a, Dist Reserach Officer post pawh a ruahna a rei tawh, Officer dangin a kawp reng a, Hospital Superintendent pawh tunhnai khan a rawn la chhuak leh a, a dang a rawn dah tawh lo bawk a, Doctor post ruak hnawhkhah loh a awm nual bawk a. Tuipanga CDPO pawh Saihaa CDPO in a kawp reng thin bawk. Manager, Stationary phei hi chu kan nei ngai lo tluk a ni.Tun ang em hi chu Saiha District hian Officer a nei chhe ngai lo va, kumin hi Saiha Dist in Officer a neih chhiat ber tum nia hriat a ni.