Nimin zing dar 7:00 AM khan Saiha Bazar Traffic Point ah MNF Dist Hqrs. Saiha huaihawtin public Meeting neih a ni a, hetah hian Pu Zoramthanga, President, MNF Gen.Hqrs. Aizawl chuan Dr.K.Beichhua leh a pawl member 1898 MNF ah a lawmlut. Heng a lawmluhte hi veng/khua 14 atanga lutte an ni a, la chhiar tel loh Pu N.Chima leh a pawl, Vahai bial a mi eng emaw zat an la awm bawk a ni. Heta Prog hman zawh chawhma dar 10:30 AM atangin MNF dincham kum 50 tlin lawmna MNF Party Office ah Prog hman a ni leh a, Pu Zoramthanga, Pu Liansuama leh hotu dangten thu an sawi leh a, Pu Zoramthanga Pre. MNF chuan MNF Golden Jubilee lungphun a hawng nghal bawk a ni.
Saiha, Lawngtlai leh Lunglei Dist Auto Rickshow Owner Association te chuan Mizoram sawrkarin kum khata chhiah an pek thin Rs.250/- atanga vawi leh khata Rs.850/-a a tihsan avangin tihhniam sak deuh turin tunhnai khan sawrkarah ngenna an thlen a, mahse ngaihsak a hlawh loh avangin karleh Thawhtan-Nilai theng hian Badge dum belin service ni se an ti.
No comments:
Post a Comment