Chhungkaw 68 ten Cong party chhuahsanin MDF ah an lut
Dt.23.9.2011 khan Saiha Dist a Serkawrah Cong Party chhungkaw 68 te chu Mara Democratic Front, (MDF) Party ah an lut a. Heng MDF Party zawm thrte hi Pu M.Laikaw, MDC, President, MDF Gen.Hqrs Saiha chuan Serkawr ah a lawmlut a ni. Lawmluhna inkhawm buatsaihah thu sawiin Pu M.Laikaw President chuan, Serkawr khua hi Mararam Missionary ten chanchintha an hrilh tanna hmun a ni a, Serkawr atangin Mararam hi kawng engkimah a eng a ni, tiin Pathian leh Mararam mipuite tanchhana Party din MDF ah mi thahnem tak lawmluh an ni chu thil chhinchhiah tlak tak a nih thu leh MDF party hmanga Mararma chanchintha bul tanna hmun Serkawr atanga Mararam tieng tura ke an lo pen chu thil inhmeh tak nia a hriat thu a sawi bawk.
Mararam Missionary In kum 100 a tling ta
Mararam Missionary In, Lorrain Vill, Serkawr a mi chu kumin hi kum 100 a tlinna a ni. He in hi kum 1911 khan sak a ni a, a ban hi Mizo thing tha pangngai a ni a, a bang pawh mau niin a chung hi Rangva a ni. Hmanlai Mizo in pangngai ang kha a ni a, mahse a sakdan a dangdai bakah a hmanraw hman, thing leh maute a chang tha hlawm hle a, hemi avang hian tun thlengin Missionary chhungkua te chuan tha takin an la luah reng thei a ni.
Tunlai Saiha Dist Politics
Kum 2012 March thla velah Member of Dist Council inthlanna neih a nih dawn avangin Political Party - Cong, MNF leh MDF te chuan tun atang hian MADC ah sawrkarna chang ngei turin campaign beihpui an thlak tan.
MNF leh MDF te chuan kum hmasa lam khan he inthlan lo awm turah rorel lai Cong an hneh theih nan MNF & MDF Coordination Committee dinin an thawkho a. Tun dinhmunah chuan an thawhhona pawh a tha. Cong pawhin sawrkarna chang leh ngei tumin theihtawp a chhuah mek bawk a. Party hnih tangrualin Party khat a beih rawn dawn avangin Cong chu rorel lai mah ni se a buai ve hle dawn niin a lang. Party dang an lang lutuk lo va, mahse veng thenkhat Candidate thenkhat tan an tangkai ru ve hle dawn niin a lang bawk.
No comments:
Post a Comment