1.9.2011 - MTP in Press Release siam

PRESS RELEASE NO.1 OF 26.8.2011.

        A hmasain MTP Gen.Hqrs:Siaha hmingin Mararam mipuite chibai kan buk che u a, duhsakna kan hlan bawk a che u.
Tunlai hian CCB Rules passed tak chungchang a mi thenkhat te’n advantage la a MTP hming an lam tam lutuk avang leh diklo taka puhna avangin MTP hming hliauna a awm palh thei tih hriain Dt.21.8.2011 a MTP Gen.Hqrs leh MTP Town Branches leaders joint meeting chuan Press Release kal tlanga MTP memberste leh mipuite hnena thudik hriattir tul a tih avanga he Press Release hi siam a ni.   
        Date 08.08 2011 MADC session-a CCB Rules Amendment  passed tak, MDC election leh V/C election etc. tun hmaa District Council Executive thuneihna, Mizoram State Election commission in thu nei tawh tura, kan MDC zahawm tak thenkhat te’n session-a an pass tur kha, keini NGO joint committee chuan, ngun taka kan ngaihtuah hnuin, Sixth schedule constitution of India ina Autonomous District Council thuneihna  min pek tihchhiatna kawng a nih palh kan hlauh avangin, kha CCB Rules kha pass/amend rih loh turin, MDC zawng zawng hnenah lehkha siamin,kan ngen vek a ni. NGO leh MADC hotute Joint meeting neihin,Bill pawh en ho a nih chungin,ngaihdan a thuhmun thei chuang lova, chuvangin MADC monsoon session 2011- ah tuna MADC hotute duhdan angin CCB Rules Amendment kha an passed a ni. NGO pawmpuina emaw remtihna emaw a tel lo.
        Mara District Congress Committee,Hqrs:Siaha Press Release No.5 a “MTP HQRS-HRUAITUTE RAWTNA” anga tarlan kha an hriatsual liau liau a ni. MDCC Hqrs:Siaha Press Release No.6-a  “NGO te’n thudik an hriat hnuah chuan Bill chu House a pass tlak an tih avangin lo pass mai rawh u, keini chuan hnialna kan nei love” tih a tarlan pawh  thudik lo hul hual a ni.Bill an pass dawn niah khan pass lo turin kan ngen nawn leh zawk a ni.   
               Tin.Autonomous District Council thuneihna lian zawk Transfer of Subjects/Activities rawn pek tumna proposal chungchangah MADC hotute’n ngaihdan thawh ve tura min tih angin MTP Gen Hqrs:Siaha chuan thuneihna lian zawk chu thain duh mahila, State Gov’t employees atanga District Council Deptt. Key posts hrang hrang leh Principal Secretary etc. deputation a an rawn dah hunah,a ram leilung fate tana harsatna leh thil pawi a thlen loh nan, kan MADC, ram leh hnam himna tur mumal leh awmze neih tak kan nei theih nan,he thuneihna hmang mek Bodoland Territorial Council,Karbi Anglong leh North Cachar Hills District Councilte chanchin zirchian nan Study Group tirh nise.Study Groupte hmuh dan zulzuiin he proposal hi ngaihtuaha thutlukna siam nise, Study group members atan MADC,MTP Hqrs,MSO Hqrs,MJA. aiawh telh nise tih rawtna,  Dt.23/8/2011 ah MADC hotute hnenah thlen a ni.
        A tawp berah chuan kan MADC hotute hian a chunga tarlan tak, kan ram leh hnam thatna/chhiatna thlen thei thil (issue)ah ngaihtuahna fim tak hmanga,ram leh hnam tana thil pawi a thlen palh loh nan, kal hmang awmze nei, tha leh fel tak,thutlukna siam turin MTP Gen.Hqrs:Siaha chuan Mara ram mipui aiawhin kan ngen nawn leh mawlh mawlh a ni.


Issued & Published by MTP Gen.Hqrs:Siaha copies 500