Pu Zakhu Hlychho, Ex. Minister, MNF Gen.Hqrs Adviser chuan niminpiah khan ama chenna in Saiha Bazar ah thuthar lakhawmtute kawmin tunhnaia Pu S.Khipo, CEM MADC leh a thawhpui ten Aizawl a Mara fa - Politician te leh Officer te an kawmna chungchang he a hnuaia mi ang hian a sawi fiah.
Pu Zakhu Hlychho chuan, he inkawmhonaah hian CCB & VC Rules chu dt.8.8.2011 khan House ah kohhran leh NGO te rem tihpuinaa pass a ni, hemi chungchang hi sawi kan tum lova, 2nd Administrative Reform Commission report an hmuh chungchang sawipui tura kohkhawm che u kan ni tih Pu S.Khipo, CEM in a sawi thu a sawi a. CCB&VC Rules lampang engmah sawihona a awm loh thu leh 2nd Administrative Reform Commission report chungchang erawh an sawiho thu a sawi a. Pu Zakhu Hlychho chuan Aizawla Mara Officer leh Politician ten 2nd Administrative Reform Commission report chungchangah Home Ministry in State sawrkar hnena mapping lo siam ula an tih mai hi zirchian tur awmin a lang a, Sixth Schedule Para 3, 3A,3B te hi Constitution provision a ni a, administration atanga mapping siama administrative order a pek chi niin a lang lo. Central sawrkar hian mi pe duh tak tak a nih chuan Constitution ah min dahsak law law se a him zawk ang, chuvangin Constitution ah khung turin nawr rawh u tia CEM leh a thawhpuite thurawn an pek thu a sawi a. Administration order chu kum 1995 khan Pu Lal Thanhawla’n thuneihna kan tihlen sak ang che u a ti a, mahse kha order anga pawisa budget a min pek tel loh avangin vawiin thlengin awmzia a nei lo a ni, tin, Sixth Schedule Para 3, 3A,3B te hi kan pianna leh Autonomy kan neihna a nih avangin paih a him thei dawn lo va, chuvangin kan Autonomy tiderthawng zawnga hmalak loh ni se a tha ang tia thurawn an pek thu a sawi bawk. Tin, T.Gupta, Chairman, Standing Inquiry Commission lehkha enin All Key Technical and Professional Posts ah State Government Official te Deputation a lak vek ni se tih phei hi chu ngun thluk zawka thlir a ngai ang, N.Cachar Autonomous District Council buaina khu an Council-a Key post Deputation hlirina an chelh avang khua harsatna an tawk nasa a, Office pahnih an neih phah a, an khawngaih thlak hle a ni, chuvangin khutiang khu kan tawn ve loh nan ram leilung fa ina kan phak loh post ah chauh Deputation a lak a him ber ang tih leh Financial Rules chungchangah chuan Central Financial Rules kan hmang duh e tih hi a him ber ang tia thurawn an pek thu a sawi bawk a ni.
He inkawmho naa kan thu sawite hi resolution anga relthluk a awm lo va, Pu S.Khipo, CEM leh a thawhpui ten CCB & VC Rules kan pass tawh kha Aizawl lama hotute pawhin min pawmpui a, signature pawh an pe vek tia an sawi hi chu thu dik lo a ni. Pu S.Khipo, CEM zahawm tak hian he thu hi a sawi ka ring lo va, a nau thu uar deuh ten mipui rin kai an duh avangin an sawi mai nia a rin thu Pu Zakhu Hlychho chuan a sawi bawk.
CCB & VC Rules amendment chung changa a mimal ngaihdan sawiin Pu Zakhu Hlychho chuan ‘MNF+MDF Coordination Committee hotute hmalakna hi dik ka ti a, kan Dist Council leh Congress hruaitute hian thil pass lo tawp tur an pass palh a, humsual kan dai hmaa tihtawp dan awm thei se kan duh a, hemi kawngah hian tan min lakpui turin mipuite kan sawm a ni’ a ti bawk.
CCB & VC Rules Amendment an pass tawh hmang lo tura tan lak a tum thu sawiin Mizoram sawrkar in Gazette a a chhuah veleh Court ah an khin tur thu a sawi a, Court a thubuai anga a awm tawh chuan Parliament pawhin a pass thei tawh dawn lo tih a sawi bawk.
He Press Meet ah hian Pu M.laikaw, Coordination Chairman leh Pu N.Viakhu, Secretary, Pu S.Lalremthanga MDC te MNF leh MDF hruaitute an tel bawk a ni.
Pu Zakhu Hlychho chuan, he inkawmhonaah hian CCB & VC Rules chu dt.8.8.2011 khan House ah kohhran leh NGO te rem tihpuinaa pass a ni, hemi chungchang hi sawi kan tum lova, 2nd Administrative Reform Commission report an hmuh chungchang sawipui tura kohkhawm che u kan ni tih Pu S.Khipo, CEM in a sawi thu a sawi a. CCB&VC Rules lampang engmah sawihona a awm loh thu leh 2nd Administrative Reform Commission report chungchang erawh an sawiho thu a sawi a. Pu Zakhu Hlychho chuan Aizawla Mara Officer leh Politician ten 2nd Administrative Reform Commission report chungchangah Home Ministry in State sawrkar hnena mapping lo siam ula an tih mai hi zirchian tur awmin a lang a, Sixth Schedule Para 3, 3A,3B te hi Constitution provision a ni a, administration atanga mapping siama administrative order a pek chi niin a lang lo. Central sawrkar hian mi pe duh tak tak a nih chuan Constitution ah min dahsak law law se a him zawk ang, chuvangin Constitution ah khung turin nawr rawh u tia CEM leh a thawhpuite thurawn an pek thu a sawi a. Administration order chu kum 1995 khan Pu Lal Thanhawla’n thuneihna kan tihlen sak ang che u a ti a, mahse kha order anga pawisa budget a min pek tel loh avangin vawiin thlengin awmzia a nei lo a ni, tin, Sixth Schedule Para 3, 3A,3B te hi kan pianna leh Autonomy kan neihna a nih avangin paih a him thei dawn lo va, chuvangin kan Autonomy tiderthawng zawnga hmalak loh ni se a tha ang tia thurawn an pek thu a sawi bawk. Tin, T.Gupta, Chairman, Standing Inquiry Commission lehkha enin All Key Technical and Professional Posts ah State Government Official te Deputation a lak vek ni se tih phei hi chu ngun thluk zawka thlir a ngai ang, N.Cachar Autonomous District Council buaina khu an Council-a Key post Deputation hlirina an chelh avang khua harsatna an tawk nasa a, Office pahnih an neih phah a, an khawngaih thlak hle a ni, chuvangin khutiang khu kan tawn ve loh nan ram leilung fa ina kan phak loh post ah chauh Deputation a lak a him ber ang tih leh Financial Rules chungchangah chuan Central Financial Rules kan hmang duh e tih hi a him ber ang tia thurawn an pek thu a sawi bawk a ni.
He inkawmho naa kan thu sawite hi resolution anga relthluk a awm lo va, Pu S.Khipo, CEM leh a thawhpui ten CCB & VC Rules kan pass tawh kha Aizawl lama hotute pawhin min pawmpui a, signature pawh an pe vek tia an sawi hi chu thu dik lo a ni. Pu S.Khipo, CEM zahawm tak hian he thu hi a sawi ka ring lo va, a nau thu uar deuh ten mipui rin kai an duh avangin an sawi mai nia a rin thu Pu Zakhu Hlychho chuan a sawi bawk.
CCB & VC Rules amendment chung changa a mimal ngaihdan sawiin Pu Zakhu Hlychho chuan ‘MNF+MDF Coordination Committee hotute hmalakna hi dik ka ti a, kan Dist Council leh Congress hruaitute hian thil pass lo tawp tur an pass palh a, humsual kan dai hmaa tihtawp dan awm thei se kan duh a, hemi kawngah hian tan min lakpui turin mipuite kan sawm a ni’ a ti bawk.
CCB & VC Rules Amendment an pass tawh hmang lo tura tan lak a tum thu sawiin Mizoram sawrkar in Gazette a a chhuah veleh Court ah an khin tur thu a sawi a, Court a thubuai anga a awm tawh chuan Parliament pawhin a pass thei tawh dawn lo tih a sawi bawk.
He Press Meet ah hian Pu M.laikaw, Coordination Chairman leh Pu N.Viakhu, Secretary, Pu S.Lalremthanga MDC te MNF leh MDF hruaitute an tel bawk a ni.
No comments:
Post a Comment