Dt.19.3.2012 Chhim Aw News Daily Newspaper, Saiha

DC in tlawh
Pu Kunal,DC Saiha chuan Zirtawpni a Bus chetsual vanga hliam Saiha Dist Hospitala awm te chu tlawhin an inenkawlna tur sum a pe hlawm.

Kawng zawh dawn
Tunhnaia Bual pui NG a Hmeichhe kum tling lo pawngsual rawn a nih avanga lungawi lohna lantir nan naktuk hian Bualpui NG ah kawng zawh huaihawt a ni dawn a,kawng zawh pui turin Bualpui LWA chuan Saihaa MHIP, MCHP leh LWA te a rawn sawm a,naktuk hian an sawmna angin Bualpui an pan dawn.

Kawng zawh dawn
Dt.23.3.2012 hian MJA Dist Hqrs. Saiha leh NGO hrang hrang hruaitu ten Jt.Meetinga an lo rel tawh angin Saiha khawpui chhungah BSNL signal a chhiat lutuk avanga mipui ten a thlawna pawisa an sen teuh reng duh loh lantir nan leh BSNL Signal a that theihna tura nawrna atan kawng zawh huaihawt a ni dawn a, mipui a tam thei ang bera tel turin Jt.NGO Meeting chuan mipui a sawm.

MHIP hruaitute
Inrin ni khan Saiha M.H.I.P Sub Headquarters inthlan na neih ani a heng mi te hi thlan tlin an ni.
President H.Lalawii
Vice President - H.Lalbiaktluangi
General Secretary - Lianzami
Asst Secretary - Lalremliani Hnamte
Treasurer - Vanlalsawmi
Fin Secretary - Vanlalauvi
He MHIP hruai tu thlanna hi MJA te leh Pu Thankima MHIP Adviser ten an kaihruai.

Fit mek
Jt.VC Committee in khawmpui/Gen.Conference a hman chi pandal structure a lei chu Tuipanga MTP Gen Conference lo awm turah hman a ni dawn a, tunah a fit hna thawh mek a ni a, a puan erawh chu Aizawl atangin phurh thlen a ni dawn. Pandal structure hi a man neia hman tur a ni a, a man erawh an la bithliah lo.

HDFC Bank,Saiha in chhiat tawk zirtlaite a tanpui
Tun Inrin ni chawhnu dar 1;30 khan HDFC Bank Saiha chuan Corporate social responsibility programe hnuai ah, MSO Hqrs Saiha te nen tangkawpin Feb.1 zana Saiha kangmei tuar School naupang 86 hnenah school uniform leh tanpuina sum an pe.
He uniform hlanna hun hi HDFC Bank Saihaah neih a ni a. Pu FC.Khihnia Pre.MSO Hqrs Saiha chuan a kaihruai a,Martin Zothansanga Assistant Manager HDFC chuan HDFC bank-in chhiat tawk te tanpuia hma la thei tura kan awm hi kan lawm em em a ni a ti. Vanlalngena Add. DC Saiha chuan HDFC bank chuan kangmei tuarte tanpui tura hma an la chu ropui a ti a, Zoram dung leh vang NGO hrang hrang ten chhiat tawk te an rawn tanpuina atang hian kan tan tlanzia leh kan inunau thatzia alantir a ni a ti a, chhiat kan tawh hma aia kan tawh hnuah hian chhel tak leh harsatna te hmang tangkai turin a chah bawk. He hunah hian MH.Tiabi EM Revenue pawh in thusawi in,zirlai naupangte chu an zirna kawngah hlawhtling ngei turin a chah a ni. Mi 86 zingah hian mi 75 hi uniform thuihsak tur an ni a, chung zinga mi 59 in an in report, Uniform hi thuihsak an ni tawh a, midang la thuihsak loh te pawh hi MSO ah in report in thuihsak reng theih a ni a, college zirlai mi 11 te hnenah erawh sumfai cheng 1500 hlan an ni ang.

Bus chesualah mi 2 an thi
Zirtawp ni chawhnu dar 1:30 vel khan Saiha atanga Zawngling pan, Private Mini bus Saiha bulah a chesual a, a hmunah mi 1 an thi, Damdawi inah pakhat Beithasia, kum 45 mi, Theiva a thih leh. Pakhat hi hnamdang a ni ang, tun thlengin a hre chiangtu an la awm lo. Saha Dist Hospitala mitthi ruang dahnaah an la dah. Bus hi PT.Rawna(29) Meisavaih khalh lai a ni. Driver hi a vawi khat khalhna a ni.
He bus hi a brake a fail avangin driver chuan Tuipui ferry peng bula kawngthlang lama thing a su a, hemi hnu hian kawng sirah a let a, He bus-ah hian an vaiin mi 16 an chuang a, an zinga pathum chu Saiha damdawi inah dah an ni a, mi 11 chu an na vak lova, an hliam tuamsak an nih hnuah chhuah leh an ni. He bus hi Zawngling khua-a Vabeizei ta a ni a, kawng sira a let hi tun din a nih hnuah a tlan zui leh thei nia thu dawn a ni.

YP Rally 2012 hmana ni
The salvation Army Southern Division hnuaia Southern Section Young People Rally 2012 (naupang pawl khawmpui ) chu Saiha Corps-ah niminpiah ni 16 zan atang khan tan a ni.
He rally ah hian thupui atan‘Ka thlarau zawk in le’ tih hman a ni a,thu leh hla intihsiakna buatsaih a ni a, nimin zing inkhawm (Holiness meeting ) ah Corps Cadet kum 6 chhung zirzo tawh te hnenah Bedge of merit hlanna leh Graduation hlanna programe neih a ni bawk.
He rally ah hian Aizawl atangin Youth People lama hotupa ber Major Lalmuansanga TYS leh lunglei atangin Major R.Lalchhuana DYS ten an rawn hmanpui a ni. Tuntum Y.P.Rally ah hian Thingfal, Lawngtlai Saiha,Sangau etc.atangte-in YP member thahnem tak an lo kal khawm a ni. Salvation Southern Division Southern Section hi thingfal atanga chhimlam zawng a huam a ni.

Leprocy Conference
Inrinni chawhnu dar 1 khan New Skylinks vision, studio, New Colony-ah The Leprosy mission Saiha Chapter Gen.Meeting neih a ni.
He meeting ah hian Leprosy Campaign report pek tur nise, jan – Dec 2012 thleng atana tarker Nuai 1,30,000 semrual dan tur te leh kumin 2012 chhung hmalak tur pawimawh te a awm chuan sawi ho nise tih te rel a ni a, kum 2012 atanga 2014 chhung hruitu thlanna neih nghal a ni.
President atan Rev.VL.Ngaia Hlychho,ECM. V/Pre Rev K. Lalbiakenga, BCM, Rev. Ngursang puia,IKK, Rev.B. Lalhnema,CCIM, Maj. A.Zahluna,Salvation Army., Pro Pastor Lalnunthara,LIKBK, Upa V.Photlu, ECM, Upa JH.Chohmo, ECM, Secretary, Upa F. Sangmawia ECM, Asst.Secy Upa C. Lalsiamkima, ECM, Fin.Secy Pi Sangveli ECM, Tresurer Pi HC.Nasia ECM, Info Secy T.Upa Pheiki Solo, ECM te thlan an ni a, The Leprosy Mission Saiha chapter Choir an din nghal a ni.

YP Rally 2012 hmana ni
The salvation Army Southern Division hnuaia Southern Section Young People Rally 2012 (naupang pawl khawmpui ) chu Saiha Corps-ah niminpiah ni 16 zan atang khan tan a ni.
He rally ah hian thupui atan‘Ka thlarau zawk in le’ tih hman a ni a,thu leh hla intihsiakna buatsaih a ni a, nimin zing inkhawm (Holiness meeting ) ah Corps Cadet kum 6 chhung zirzo tawh te hnenah Bedge of merit hlanna leh Graduation hlanna programe neih a ni bawk.
He rally ah hian Aizawl atangin Youth People lama hotupa ber Major Lalmuansanga TYS leh lunglei atangin Major R.Lalchhuana DYS ten an rawn hmanpui a ni. Tuntum Y.P.Rally ah hian Thingfal, Lawngtlai Saiha,Sangau etc.atangte-in YP member thahnem tak an lo kal khawm a ni. Salvation Southern Division Southern Section hi thingfal atanga chhimlam zawng a huam a ni.


UPC NE Dist Conference nei
Ni 15 atanga tan tawh United Pentecostal church north east India Chhimtuipui Dist. Vawi 36na Dist. Conference chu N.saiha UPC.NE biakin ah neih a ni.
He Dist. Conference-ah hian kum 2012 budget atan nuai 122 sing 1 sang 7 passed a ni a, rorel member 142 thleng khawmin Chhimtuipui Dist. UPC NE ah hian local 51 awmin chhungkua 1819 an awm a,member 10074 an awm a ni. He Conference hi nizan khan a tiak a ni.
He khawmpui thupui atan hian chanchin tha khawvel pumpuiah tih hman a ni a. An rorel zingah kohhran kalphung siamthat a,centralization kalpui nise tih passed a ni a, hruaitu thar thlanna neih nghal a ni. Kum 2013 dist.Conference chu Lawngtlai ‘S’ bialah nghah a ni.