20.3.2012 Chhim Aw News, Saiha

Court a kal mek a dal lo
Nikum March thlaa N.Serkawr bula Current in Bus a man avanga nunna chan mi 9 te Mizoram sawrkarin zangnadawmna a pek loh avanga Court-a an khinna chu a la kal zel a, hetih lai hian kum khat vel a liam hnu tunhnai khan Mizoram sawrkar chuan MADC kal tlangin heng nunna chan chhung te hnenah zangnadawm na cheng nuai khat theuh a rawn pe a, nunna chan chhungte chuan he pawisa hi court-a an kalna a tibuai dawn chuan lak loh an duh a, mahse a tibuai thei dawn lo avangin an la ta a ni.

Complaint dawn
Mizoram sawrkarin MADC arrea ah MDC bial 3 a rawn belh avanga bial rinthat dan thenkhat chu veng mipuite duhdan a ni lo nia an hriat avangin nimina MNF&MDF Coordination Committee an chairman Pu M.Laikaw, MDC hova thukhawm chuan camplaint ni se an ti.
An camplaint turte chu N.Colony bial an sahthlak leh Tokalo bial te niin hei hi veng mipuite lungrualna an tan chhan niin Coordination Committee hruaitute chuan an sawi

Huan kang
Serkawr khaw thlang Pu S.Hiato Huan atanga tun Zirtawp ni-a kangmei chhuak chuan Serkawr ram leh huan thlaite a kang chhia nasa z, an in a kan kai loh nan kangmei hi an thelh a, an buai hle a, huan neitute an thin a rim hle niin Serkawr atangin thu dawn a ni bawk.

MNF ah lut
Pu Chakhu Nohro leh a thian chhungkaw 8, Voters 20 Meisatla Saiha te chu nimin khan an awmna Cong an chhuah san a, hun remchang hmasa berah MNF ah lawmluh an ni ang.
Silai man
Nimin chawhma dar 9:00 AM vel khan Saihaa AR te chuan Saiha Bazar-ah B. Beinau (36) s/o Sabi, Satu( Myanmar) atangin Pistol .22 an man a, ani hi Saiha Police Station Lock Up ah dah niin thubuai siamsak a ni.

Building sa mekte tui an pe tha lo
N.Colony-a Indoor Studium sak hna Pu RT.Zachono in hnamdang kuta a dah leh Dist Council panna kawngpui bula Library Building hnam dangten an sak mek Pi Nukungi hna te chu tui an pek that loh avangin a ro hle a, hemi avang hian Cement pawhin hna a thawk chak tur angin a thawk thei lo dawn lo.
Heng building pahnihte hi building pawimawh tak mai a nih avangin tha taka sak a ni lo chu pawi an tih thu kan palai an hrilh a. Hetih lai hian Pu TT.Vakhu in Lorrain Market building a sak mek chu chak taka chhunzawm mek a ni a, a hna pawh a tha-in contractor ngeiin a vil avangin tun dinhmunah chuan a la awithlak a ni.
Saiha Dist a hna hnamdangin an enkawl te hi a tha thei tak tak ngai lo va, an sak zawh tawh thenkhat phei chu a chhiat hlawm em avangin kum hnih thum a chhe leh maite a awm a ni